ضرب المقاطعة في مقتل
اليوم ذهبت للكلية حتى أعرف درجاتي، النتيجة اتعلقت النهارده يعني ..
في طريق العودة شعرت بالعطش ، انحرفت إلى طريق عم جمال بائع عصير القصب، أخرجت الخمسون قرشا و وضعتها أمامه ..
نظر إلي وقال : بقى بــ 75 قرش .
دون أدنى تردد سحبت الخمسون قرشا وأخرجت جنيها ووضعته أمامه..
كانت الزبائن الواقفة تنتظر كوب العصير قبلي على ملامحها الضيق و التألم، أناس بسطاء، عمال وصنايعية غلابه على باب الله .. يتلمسون الترطيب في كوب قصب يزيح حر اليوم ..
كان الحوار بينهم وبين الرجل في منتصفه تقريبا، علمت منه أن القصب زاد على البائع 150 جنيه مره واحده ..
و إن زارعي قصب السكر يفضلون إعطاءه لمصانع تكرير السكر عن بيعه لبائعي عصير القصب.
في أبجديات المقاطعة البحث عن البدائل: وكان البديل المناسب بالنسبة لي ولكثير غيري للمشروب الغازي الكولا هو عصير قصب السكر، أما بعد إرتفاع سعره بهذه الطريقة فأعتقد إني سأفكر مرة أخرى في البحث عن بديل ..أو العودة للكولا على إعتبار أنها الأرخص و أنها المناسبة لميزانية تعيش بالكاد حتى الأسبوع الثاني من الشهر ..
ربنا يستر ..
حد عنده بديل مناسب .. ؟
{ 
}
Commenting is closed for this article.
يظهر إن المياه عندكم سليمة ، بس بجد فكرة إن الماء يكفي دي جميلة بس في نفس الوقت صعبة التنفيذ ..
هنحاول لفترة كده وبعدين نشوف ..
شكرا لتواجدك وتعليقك ..
مبروك الأول، و أنا افضل شرب البيبسى لكن الزجاجة الصغيرة لأني لا أستطيع انهاء الكبيرة
و شكرا
الله يبارك فيك ، متفكرنيش بالبيبسي بقى عشان متعبش نفسيا ..
هما لسه شغالين في الزجاجات الصغيرة ؟
ولا أنت تقصد إنك مبتعرفش تكمل اللتر بيبسي .. :grin:
ممكن اقترح حاجة
اعملى عصير طبيعى من بالليل و خديه معاكى الصبح مثلج و اشربيه بدل الحاجة الساقعة و ده هيكون افيد لكى صحياو دينيا على فكرة ثبت ان المياه الغازية ليس لها فوائد صحية بل فى الهند ظهرت ابحاث تؤكد وجود الكثير من الميكروبات بها و هذا ليس كلامى بل موجود على صفحات النت الخاصة بالمقاطعة